Ýmis þróunarverkefni hafa verið unnin á Holtakoti í gegnum árin með fjárveitingu frá Þróunarsjóð Garðabæjar.

Verkefnin hafa verið af mismunandi toga en hafa það markmið að bæta leikskólastarfið og auka fjölbreytni í kennsluaðferðum og skólastarfinu öllu hvort sem það er að bæta við búnað og kennsluefni eða bæta einhverju nýju inn í starfið.

Þróunarverkefni sem hafa verið unnin á leikskólanum:

Leikur að Læra

Vináttuverkefni Barnaheilla

Kaup á búnaði í sal leikskólans

Klifurveggur

Mat á skólastarfi

Hreyfiverkefni starfsmanna


Skólaárið 2019-2020 höfum við fengið styrk fyrir útikennslu með elstu börnin. Verkefnið felst í því að skólahópsbörnin fara í útikennslu tvisvar í viku ásamt kennurum, farið er út kl. 9 að morgni og hópurinn verður úti í vettvangsferðum fram yfir hádegi og koma þá til með að borða og jafnvel elda hádegismatinn utandyra. Þetta verður spennandi verkefni sem við hlökkum til að takast á við.

© 2016 - 2019 Karellen