Búið er að færa viðbúnaðarstig almannavarna upp á neyðarstig til og með 19. október. Hér má sjá reglugerð um takmörkun á skólahaldi vegna farsóttar: Reglugerð um takmörkun á skólahaldi

Í 3. grein reglugerðar er fjallað um leikskólastarf en þar kemur eftirfarandi fram:

"Leikskólum er heimilt, samkvæmt nánari ákvörðun sveitarfélaga, að halda uppi skólastarfi í skólabyggingum með því skilyrði að starfsfólk sem á erindi inn í skólabyggingar gæti að minnst 1 metra nálægðartakmörkun sín á milli án þess að andlitsgrímur séu notaðar. Ekki skulu vera fleiri en 30 einstaklingar fæddir 2004 eða fyrr í hverju rými. Ekki gilda aðrar takmarkanir á samkomum barna á leikskólaaldri.

Foreldrar og aðstandendur skulu almennt ekki koma inn í skólabyggingar nema brýna nauðsyn beri til. Viðvera foreldra sem dvelja inni á leikskóla vegna aðlögunar skal skipulögð þannig að þeir þurfi ekki að nota hreinlætis- eða mataraðstöðu í byggingunni og skulu þeir gæta að minnst 1 metra nálægðartakmörkun jafnt sín á milli og gagnvart starfsfólki. Aðeins eitt foreldri fylgi barni í aðlögun."

Við erum ávallt að reyna að gera okkar besta og breytum og bætum eftir því sem þörf er á. Mikilvægt er að allir hjálpist að við að minnka líkur á smitum innan leikskólans. Hér koma nokkur viðmið varðandi næstu tvær vikur á Holtakoti. Foreldrar eru beðnir um að sýna áfram aðgát og stoppa ekki í leikskólanum lengur en þörf krefur. Á eldri deildum biðjum við foreldra að kveðja börnin við innganga á deildar, nota innganga sem eru ætlaðir fyrir hverja deild og passa upp á fjarlægðarmörk. Ef ekki er hægt að viðhafa 1 metra fjarlægðarmörk þurfa foreldrar að setja upp grímur. Á yngri deildum biðjum við foreldra að kveðja börnin við fatahólfin og koma ekki inn á deildar. Við biðjum foreldra einnig að passa upp á að ekki séu fleiri en tveir fullorðnir í fataklefunum í einu. Ef margir eru að koma á sama tíma þarf ef til vill að hinkra aðeins fyrir utan rýmið. Sýnum tillitsemi og aðgát. Ef aðrir eru að sækja börn og koma með en vanalega biðjum við um að þeir séu upplýstir um innganga og aðstæður. Spritt eru aðgengileg við alla innganga. Reynum að snerta sem fæsta snertifleti í leikskólanum.

Skólanum hefur verið skipt upp í tvo hólf eins og hægt er og starfsfólk fer helst ekki neitt á milli hólfa. Annað hólfið eru eldri deildarnar og hitt hólfið eru yngri deildar. Leitast er við að minnka líkur á að leikskólinn þurfi að loka ef upp kemur smit og vernda starfsfólk, börn og foreldra eins og hægt er.

Hér er að finna tengil á viðbragðsáætlun Almannavarna vegna heimsfaraldurs.



© 2016 - 2020 Karellen