Bleiki dagurinn 2023

Október er mánuður bleiku slaufunnar. Landsmenn eru kvattir til að hafa bleika litinn áberandi, og sérstaklega föstudaginn 20. október sem er dagur Bleiku slaufunnar, en þá mættu margir í einhverju bleiku í leikskólann.

Á Holtakoti var litur mánaðarins bleikur. Börnin voru mjög dugleg að mála og lita bleikt föndur og bleika slaufan var í hávegum höfð í föndrinu eins og sjá má á meðfylgjandi myndum. Allir gerðu eitthvað bleikt á sinni deild.

Þessa vikuna hafa konurnar í eldhúsinu okkar bakað bleikt brauð fyrir kaffitímann sem börnunum þótti mjög spennandi og í hádeginu í dag fengu allir bleikt skyr í hádegismatinn.

Starfsfólkið á Holtakoti gerði sér einnig glaðan dag og voru með bleikar veitingar á kaffihlaðborði, það fór sko enginn svangur heim eftir þennan dag frekar en venjulega.