Mánudaginn 20. febrúar buðu börnin mæðrum sínum og ömmum í morgunkaffi á bolludaginn í tilefni af konudeginum sem var sunnudaginn 19. febrúar.
Boðið var upp á rjómabollur, ostasalat, eggjasalat og kaffisopa ásamt hinum hefðbundna morgunmat, hafragraut, morgunkorn og lýsi fyrir börnin.
Mætingin var frábær á öllum deildum og börnin voru heldur betur glöð með að fá mömmu og ömmu í heimsókn í leikskólann sinn í morgunsárið.
Í hádeginu var svo boðið upp á fiskibollur með karrýsósu og kartöflum og í nónhressingu fengu svo allir að sjálfsögðu bollur með rjóma, sultu og súkkulaði og melónur í eftirrétt.
Við þökkum öllum gestunum kærlega fyrir heimsóknina í morgun og óskum öllum konum landsins innilega til hamingju með gærdaginn.