Leikskólinn notar kerfi sem heitir Karellen og hægt er að nálgast allar helstu upplýsingar um það á www.karellen.is.
Heimasíða skólans er: http://www.holtakot.is/
Inni á heimasíðu skólans finnið þið innskráningartakka sem leiðir ykkur inn á innskráningarsíðu Karellen →
Til þess að fá aðgang að innra kerfinu, biðjum við ykkur að smella á ‘Virkja aðgang’ og skrá netfangið ykkar sem er skráð hjá skólanum.
Þá fáið þið sendan tölvupóst með slóð, smellið á slóðina til þess að virkja aðganginn ykkar (ath. hann gæti farið í ruslpóstinn) þá fáið þið upp valmöguleikann að búa til lykilorð. Ef pósturinn berst ekki, hafið þá samband við stjórnendur skólans.
Auk þess að hafa aðgang að innra kerfinu í gegnum vefsíðu er app sem að við mælum með að þið náið í. Hægt er að nálgast appið á App store og í Google play.
Aðgangur aðstandanda í innra kerfinu og appinu gefur yfirsýn og upplýsingar um dag barnsins í skólanum:
- viðveruskráningar
- máltíðarskráningar
- svefnskráningar
- matseðill vikunnar
- viðburðardagatal
- samtal milli aðstandenda og skólans
- myndir af barninu
Aðstandendur hafa þann möguleika að skrá leyfi og veikindi barnsins í gegnum kerfið.
Hlökkum til að deila með ykkur þessum nýjungum í leikskólastarfinu og vonum að kerfið muni nýtast fyrst og fremst til að efla upplýsingaflæði og frekari samskipti milli heimilis og skóla.
