Leikskólinn er opinn mánudaga til fimmtudaga 7.30 til 16.30 og föstudaga 7.30 til 16.00. Foreldrar geta óskað eftir vistun að hámarki 40 klst á viku fyrir börnin sín. Boðið er upp á sveigjanlegan vistunartíma.

Leikskólinn er lokaður á skipulagsdögum starfsfólks sem eru 5 dagar á ári og eru auglýstir sérstaklega bæði á skóladagatali og með tölvupósti. Leikskólar Garðabæjar eru lokaðir fyrsta virka dag eftir áramót og í dymbilviku fyrir páska. Einnig er lokað á rauðum dögum t.d. yfir jól og áramót, páskana, 1. maí, uppstigningadag, sumardaginn fyrsta, hvítasunnuna og 17. júní. Allir þessir dagar eru merktir inn á dagatal leikskólans sem nálgast má hér.

Sumarfrí

Leikskólar í Garðabæ loka ekki vegna sumarleyfa en ætlast er til að foreldra taki tuttugu virka daga í sumarleyfi fyrir börn sín innan hefðbundins orlofstíma. Foreldrar þurfa að tilkynna orlostöku barnanna til leikskólastjóra í mars ár hvert. Leyfisumsóknum er skilað rafrænt í gegnum þjónustugátt Garðabæjar. Leikskólastjóri sendir út tilkynningu þegar komið er að því að sækja um sumarleyfi.