Janúar er mættur með sína dimmu daga og þá er nú um að gera að lýsa upp daginn og gera sér glaðan dag. Föstudaginn 5. janúar var náttfata- og vasaljósadagur á Holtakoti. Þá mættu allir galvaskir í náttfötum í leikskólann með fínu vasaljósin sem börnin fengu í pakkanum frá jólasveinunum á jólaballi leikskólans í desember. Það var mikið fjör að fá að leika í myrkrinu með ljósin í kósýheitum á náttfötum.