Slökkviliðið í heimsókn

Mánudaginn 3. október fengu elstu börnin okkar, sem eru að hefja sitt síðasta skólaár hjá okkur, heimsókn frá slökkviliðinu. Á hverju ári heimsækir slökkviliðið elstu börnin með fræðslu um eldvarnir og fleira. Eftir fræðsluna fá börnin að kíkja á slökkvibílinn sem er auðvitað mesta sportið. Þetta árið sameinuðust skólahópar Holtakots og Krakkakots í Krakkakoti.